Илиев за УБ: Со Неда Арнериќ последен пат се сретнавме во Битола, многу се изненади кога ме виде

Познатиот театарски и филмски актер, Диме Илиев се потсети на последната средба со Неда Арнериќ и снимањето на филмот „Исправи се Делфина“, во кој ја толкуваше улогата на Петко.

„Таа беше ѕвезда, во тоа време сите бевме вљубени во неа, а таа беше извонреден човек и професионалец, беше многу вредна, не сакашае да прави грешки, од вечер го учеше текстот и се трудеше да го научи македонскиот јазик“, раскажува Илиев. Тој рече дека го шокирала веста за нејзината смрт, „Но животот е суров“, вели тој.

Диме Илиев говореше и за поновите македонски филмови во кои имаше улоги, а бидејќи од минатата година е во пензија, тој рече дека за актерите нема пензија и порача дека му недостасуваат театарот и филмовите.