Д-р. Темелковска: Пациенти без проблем не се појавуваат на закажан термин, а пациенти со клиничка слика не можат да најдат термин
Веќе децении наназад се зголемуваат бројките на заболени со рак на дојка, но сега имаме еден период во кој рапидно се зголемуваат овие бројки. Дури 40% од кога е почната короната. Гостин во студиотот на Утрински Брифинг е д-р Светлана Темелковска претседател на здружение на радиологија на дојка.
– Секој податок што ќе биде изнесен од стручни лица, треба да биде со референци од каде е земен, анализиран и објавен. Тие податоци направија проблем, кај многу пациенти но и кај нас радиолозите. Ракот на дојка не е во пораст само кај нас туку во светот.
– Во Македонија не постои канцер регистар. Во Мaкедонија последните 3 години, Мој Термин евидентира автоматски, има дата база за Ц50 дијагноза (рак на дојка). Институтот за јавно здравје и епидемилогија имаат законска обрска да ги собираат, анализираат, обработуваат и објавуваат податоците за сите болести па и ракот на дојка, додава д-р Темелковска.
На прашањето колку време се чека за термин за преглед, д-р Темелковска вели дека пациентите треба да бидат поделени на две групи, здрава жена без симтоми и навидум здрава жена која оди во скриниг програма , тоа беше така но веќе не е, вели д-р Светлана.
– Многу пациенти се жалат дека матичните им викаат дека нема термини. Немаат сите пари да одат на приватно. Тоа на пациентот не му помага. Пациентките мора да прават мамографски контроли на секои две години. Ние секој 1-ви пуштаме термини, затоа матичните треба да прават тријажа. Термините мора да се обезбедуваат според здравствената состојба на пациентите.
Целиот разговор погледнете го во видеото.