Ковачевски: Опозицијата да не го кочи носењето на пакетот антикризни мерки, овие закони се за граѓаните и македонските компании

„Фискалниот бројач“ е новата алатка на Министерството за финансии, која на дневна основа ги прикажува приходите, расходите во буџетот и извршувањето на капиталните расходи, додека на месечна основа го прикажува државниот долг.

Целта на оваа алатка, која е објавена на веб-страната на Министерството, е отвореност на буџетот кон јавноста, за поголема фискална транспарентност – која е највисокиот степен на контрола на јавните финансии, бидејќи на увид на јавноста се ставаат информациите кои креираат јавно мислење.

Во објаснувањето на тоа што значи фискалниот бројач, од Министерството за финансии посочуваат дека тоа е алатка која на дневна основа го прикажува полнењето на државната каса, како и расходите, односно кумулативот од почетокот на годината до конкретниот датум на објава, како и тоа до кој степен е реализарано она што е планирано.

Со него може да се следи и државниот долг на месечна основа – податок кој досега се објавуваше на квартално ниво.

-Овој период, посебно цела 2020 и почетокот на 2021 година сите сме преокупирани со подготовка на економски и здравствени политики. Ова е предизвик да се спаси се она што може да се спаси во време на криза, да се обезбедат проекти и политики кои ќе генерираат раст и третот е да се зголеми транспарентноста. Фискалниот бројач е новата алатка за транспарентност. Фискалната транаспарентност за нас е високиот степен на контрола на јавните финасии, бидејќи на располагање се ставаат информации кои креираат и јавно мислење кое пак има висок степен на колективна моќ. И креирањето на подобар на јавни финасии се состои и од постоење на активности во насока на подигање на фискалната транспарентност и оваа алатка го прави токму тоа, изјави во Утрински брифинг, Димитар Ковачевски, заменик министер за финансии и додаде дека со ова се сака да се обезбеди ниво на транспарентност каде секој оној кој е дел од еконмскиот живот можат да видат на кој начин се движи македонската економија.

-Сакам да најавам уште една алатка која наскоро ќе излезе, а која што ќе креира поголема предвидливост во деловното опкружување од аспект на законската даночната регулатива, односно ќе биде објавен календар на законски измени во даниочната регулатива идеја која произлезе од дијалогот со коморите.

-Мора да се направи дистинкција меѓу државниот и јавниот долг. Државниот долг е се она што е на централната Влада, а на тоа кога ќе се додаде и долгото на јавните претпријатија кои што го гарантира државата тогаш одиме до нивото на јавниот долг. Она што можам да го кажам дека пригходите во оваа година се прибираат во рамките на предвидувањата, расходите редовно се сервисираат. Еврообврзницата беше издадена во текот на оваа година и таа само покажа, како што покажаа и извештаиите на Стандард и Пурс и на Фич кои што го потврдија кредитниот рејтинг, преку историски најмалата каматна стапка. Со евро обврзницата која што е земена сега раздолжуваме евро обврзница од 2014 и доколку таа се спореди со сегашната ќе се види и огромната заштеда.

-Говорејќи за петтиот пакет антикризни мерки Ковачевски вели дека се очекува одговорност од сите парламентарни партии за овој пакет на мерки да се однесе. Јас сум дел од Собранието преку Комисијата за финансирање и буџет и морам да апелирам дека никој не може да го ускрати правото на филибастеринг, но сепак сметам дека сите политички партии имаат обврска овие закони да се донесат што побрзо, бидејќи на крајот на денот овие закони се за граѓаните и македонските компании. Политичката борба да се води на други теми, вели Ковачевски и додава дека барањата на опозицијата за предвремени избори не би променила ништо.

Целиот разговор погледнете го во видеото