Славчо најавува значително постудено време со врнежи од дожд

Денес времето во Македонија ќе биде облачно и ЗНАЧИТЕЛНО ПОСТУДЕНО со врнежи од дожд. На повеќе места врнежите ќе бидат ПОИНТЕНЗИВНИ. Сепак најинтензивни врнежи ќе има во западните и во југозападните предели каде локално ќе наврнат дури над 50 л/м2 воден талог. Ќе дува умерен, повремено на некои места засилен ветер од источен и од југоисточен правец. Температурите ќе се искачуваат во интервалот од 8 до 16 степени.

Во Скопје и околината времето ќе биде облачно и значително постудено со врнежи од дожд кој повремено ќе бидат ПОИНТЕНЗИВНИ. Ќе дува умерен, повремено засилен ветер од југоисточен правец. Максималната температура ќе се искачи до околу 14 степени.

Потоа и во следните денови времето ќе се задржи облачно и доста СВЕЖО за овој период од годината со повремени врнежи од дожд со променлив интензитет. Не се исклучува можноста на највисоките планински места и за провејување на снег. Ќе дува и слаб до умерен ветер од источен и од југоисточен правец, додека температурите ќе се искачуваат во интервалот од 8 до 16 степени.

И во Скопскиот регион во следните денови ќе се задржи облачно и доста свежо време со повремени врнежи од дожд. Ќе дува слаб до умерен ветер од променлив правец, додека температурите ќе се искачуваат во интервалот од 13 до 15 степени.