Славчо најавува облачно и дождливо време

Денес времето во Македонија ќе биде претежно облачно и СВЕЖО со слаб до умерен ветер од променлив правец. Особено попладне и навечер од запад и од југозапад ќе се прошират врнежи од дожд и снег на планините. Температурите ќе се искачуваат во интервалот од 8 до 15 степени.

Во Скопје и околината времето ќе биде претежно облачно со слаб до умерен ветер од променлив правец. Попладне и навечер ќе има услови за послаби врнежи од дожд, додека максималната температура ќе се искачи до околу 11 степени.

Потоа утре и тоа особено претпладне се уште ќе има повремен локален дожд и снег на планините, додека во среда ќе има краткотрајна стабилизација на времето. Повторно појава на локални врнежи од дожд се очекуваат во четврток, кога ќе има услови и за локален развој на нестабилност проследена со пороен дожд и грмежи. Нова стабилизација на времето се очекува од петок.

Што се однесува до температурите, тие особено од среда ќе бележат тенденција на ПОЗНАЧИТЕЛЕН ПОРАСТ и ќе се искачуваат во интервалот од 15 до 21 степен, додека во најтоплите предели истите ќе има услови да се искачат до околу 25 степени, и тоа особено од петок.