Славчо најавува сончево и топло време – попладнево дожд, грмежи и засилен ветер

Денес времето во Македонија ќе биде сончево и топло со умерена локална облачност. Попладне ќе биде нестабилно со локална појава на пороен дожд, грмежи и засилен ветер. Локално е можна појава на НЕВРЕМЕ проследено со пообилен пороен дожд, силен ветер, електрични празнења и појава на град. Температурите ќе се искачуваат во интервалот од 27 до 36 степени.

Во Скопје и околината времето ќе биде сончево и топло со умерена облачност. Попладне ќе биде нестабилно со локален пороен дожд, грмежи, засиленветер и услови за локална појава на град. Максималната температура ќе се искачи до околу 30 степени.

Потоа во следните денови под влијание на МНОГУ ТОПЛА воздушна маса од југ времето ќе биде претежно стабилно, суво и сончево со мала локална облачност. Ќе дува слаб до умерен ветер од променлив правец и истиот повремено ќе засилува. Температурите ќе бележат тенденција на понатамошен пораст, а особено топло ќе биде од средината на оваа седмица кога температурите ќе се искачуваат во интервалот дури од 34 до 43 степени.

УВ ИНДЕКСОТ ќе има ЕКСТРЕМНО ВИСОКА вредност и ќе изнесува коефициент некаде помеѓу 10 и 11.