Славчо со добри вести: Стабилно, суво и многу потопло време

До крајот на денов времето во државава ќе биде сончево со мала до умерена локална облачност, ќе дува слаб до умерен ветер од северен правец.

Максималните дневни температури на воздухот ќе бележат тенденција на пораст, и тоа поради продорот на значително потоплата воздушна маса од југ. Истите денес ќе се искачуваат во интервалот од 10 до 17 степени.

Во Скопје и околината времето ќе биде сончево со мала до умерена облачност. Ќе дува слаб до умерен ветер од северен правец додека максималната температура на воздухот се очекува да се искачи до околу 14 степени.

Потоа во следните неколку денови, нашата територија ќе биде под влијание на уште потопла воздушна маса која продира од југ. Времето ќе биде претежно сончево а максималните дневни температури ќе се искачуваат во интервалот од 16 до 24 степени, особено утре и во петок.

Нова промена на времето и врнежи од дожд, пад на температурите како и снег на планините се очекува во недела.