Стефановски: Во рашомонијадата со Мијалков од авион се гледа дека институциите не функционираат согласно правните норми

Јас не гледам сценарио во кое што оваа рашомонијада (случајот со Мијалков) која што се случи последниве неколку дена нема да биде оценерта негативно. Ние уште еднаш покажавме дека сме прилично несериозна држава кога станува збор за функционирањето на институциите, особено оние од правосудството, но и прилично некадарни кога станува збор за владеењето на правото, но и поделбата на власта. Доколку ЕК и целата структура под неа објективно и независно гледа на овие процеси, ова дефинитивно ќе најде место во следниот годишен извештај, а тонот би требало да биде прилично негативен, изјави во Утрински брифинг, Иван Стефановски извршен директор на ЕВРОТИНК.

Премиерот Заев вечерта пред Владата кажа неколку работи кои се темелно спорни. Не може Владата да ги координира правосудните органи. Ниту онвинителството, ниту судството. Судството е посебна гранка, посебна власт. Тоа што премиерот го направи пред владата беше погазување на принципот на поделба на власт. Навистина жалам што многу малку се обрна внимание на ова. Не може премиер на една држава да каже – удривме по најблиските. Државата треба „да удри“ согласно владеењето на правото по оној кој што е обвинет во рамки на Уставот и законите. Каде е основниот проблем со МВР? МВР испраќа официјално соопштение до јавноста каде вели дека домашниот притвор до Мијалков, онака како што е определен од судот, велат дека не можат д аго спроведат од причина што немаат алка за следење на обвинетиот и не може да спорведат ведео и аудио надзор. Ова за мене е скандалозно.

Целиот разговор погледнете го во видеото