? Андоновиќ: Обнова на дијалогот меѓу Белград и Приштина за косовскиот статус, или нова пропадната рунда разговори?
Специјалниот претставник на американскиот претседател за преговорите меѓу Белград и Приштина, Ричард Гренел најави дека на 27 јуни претеставниците на Србија и Косово во Вашингтон ќе седнат на преговарачка маса. Претставниците на Белград и Приштина ќе одржат заеднички состанок по повеќе од година дена откако пропаднаа преговорите за финализирањето на косовскиот статус. Тогашната косовска влада предводена од премиерот Рамуш Харадинај, испровоцирана од дипломатската акција на Белград со која лобираше кај државите членки на ОН да го отповикаат признавањето на Косово, воведе 100 проценти данок за српските производи на Косово.
Оваа мерка беше неприфатлива за Белград, кој се повлече од долгите и мачни преговори кои се водеа во посредство на ЕУ. Сега косовскиот проблем целосно го презема американската администрација , чиј спецјален медијатор за овие преговори е Ричард Гренел. Гренел веќе успеа да ја одблокира политичката криза во Косово, чија претходна влада предводена од лидерот на „Самоопределување’ Албин Курти одбиваше да направи компромис и да ги повлече таксите за српските производи, како и мерките на реципроцитет, главни услови поставени од Белград за да се врати на преговорите. Со Изборот на новата влада во Приштина на премиерот Абдулах Хоти, веднаш беа повлечени овие мерки на косовската влада. Сега на ред е Белград кој треба да го направи компромисот по барањето на Приштина, а тоа е прекин дипломатската акција за лобирање кај државите да го оптповикаат признавањето на Косово.
Во пресрет на средбата во Вашингтон, посредникот Гренел изјави дека владите на Србија и на Косово се заложиле за привремено прекинување на кампањите за повлекување на признавањето, односно за членството во меѓународни организации. Тој изјави дека „доколку едната страна е незадоволна од разговорите на 27 јуни, двете страни ќе се вратат во статус кво, откако ќе го напуштат Вашингтон“. Сепак, пред средбата во Вашинтон на 21 јуни во Србија се одржуваат локални и парламентарни избори, на кои ќе се чека победникот. Најголем фаворит е владеачката партија на актуелниот претседател Александар Вучиќ, кој откако, се поизвесно, ќе го добие полниот мандат од граѓаните на Србија, ќе оди на овие преговори.
Претходно, според најавите, на 24 јуни, Вучиќ оди на средба со рускиот претседател Владимир Путин, за да ја потврди руската подршка за решавањето на косовоското прашање во полза на Србија. ЕУ, која изминатите години не успеа да го изменаџира и реши косовското прашање денеска одби да ги коментира. американските најави и иницијативи за обновувањето на дијалогот меѓу Белград и Приштина. ЕУ е скептична дека Косово и Србија можат да најдат взаемно прифатливо решение за неколку деценискиот проблем со оваа поранешна српска покраина.