Димитровски – Жоро: Мојата партиска функција е неспоива со новинарството

Во телефонски разговор за „Утрински брифинг“ генералниот секретар на Демократскиот сојуз Зоран Димитровски изјави дека партијата е подготвена за учество на парламентарните избори, при што е отворена за соработка со партии кои се за борба против криминалот, системски промени за воспоставување на владеење на правото и законите да важат за сите, правна сигурност и стабилност на државата, како и за посебна платформа за обезбедување услови младите да можат да создаваат, да творат и да обезбедат пристоен живот во Македонија.

Димитровски – Жоро истакна и дека неговата сегашна партиска функција е неспоива со новинарството, но и дека останува подготвен за политички анализи и дебати.

Зоран Димитровски бил главен и одговорен уредник на три дневни весници, „Вечер“, „Дневник“ и „Нова Македонија“ и на неделникот „Фокус“. Димитровски е магистер по политички науки од Централниот европски универзитет во Будимпешта. Предавач е на Институтот за комуникациски студии,а долги годни предавал новинарски предмети на поранешната Висока школа за новинарство и за односи со јавноста.