Дука: Гласовите на ДУИ ги имавме, победивме во Дебар оти ги мотивираме неопределените
Кога се гласаше втор круг во Дебар се прегласуваше на едно гласачко место. Сега завршија изборите и градоначалник е Хекуран Дука, кој беше на таа позиција преходните 2,5 години по ненадејната смрт на претходниот градоначалник. Неговиот противкандидат Блерим Поцеста водеше во првиот круг, но потоа се случи пресврт.
-Во првиот круг многу луѓе не излегоа на гласање, ние бевме поактивни за вториот круг откако согледавме кои луѓе не излегле. Мислам дека ги поттикнавме неопределените, оти гласачите на ДУИ секако излегоа на гласање. Имаме мнозинство во коалиција со СДСМ во Советот на Дебар. Со противкандидатот Поцеста не сме се виделе, сѐ уште не ми честитал на победата, но деновиве ќе го поканам да пиеме кафе, да се испочитуваме, вели Дука.
Според ниската стапка на излезност од 44 отсто, се чини дека дебрани не се мотивирани да излегуваат на гласање.
-Дебар според статистиката има повеќе жители отколку што има реално, податоците се застарени така што излегуваат на гласање околу половината од запишаните гласачи, вели Дука.
За плановите и приоритетите во општината Дебар градоначалникот вели дека неколку работи се клучни.
-Водата за пиење е проблем, треба да се реновира системот за водоснабдување. До крајот на овој мандат веќе нема да има проблем со водата. Втор приоритет е обезбедување на депонија, а проблем е и патната инфраструктура и треба да се направат пречистителни станици. За средства ќе конкурираме кај централната власт, вели Дука.
Проследете го целиот разговор во видеото