Нела Витошевиќ: Театарот допрва ќе се соочува со променетата реалност
Независниот театар „Вондерленд“ и режисерката Нела Витошевиќ истражувајќи го она што се случува денес ги направија едночинките „Дневна доза апсурд“, според кусите раскази на познатиот автор на руската авангарда, Данил Хармс.
Целата оваа ситуација предизвикана од коронавирусот како да го фрли во сенка театарот и целокупниот театарски живот, односно како еден голем црн, маглив облак да се спушти врз театарската сцена заради тоа што бевме спречени и се’ уште не можеме лагодно да газиме во сценскиот простор. Нам, на театарските уметници ни се отсече комуникацијата со публиката во живо, што како што знаеме е и основен постулат за театарската уметност и од тие причини, ми се чини дека целата театарска заедница во глобални рамки како да се впушти во еден процес на истражување и експериментирање во дигиталниот простор а се со цел театарот да го одржи во живот, да го одржи континуитет со театарската мисла и секако да остане во постојан контакт со својата публика. Па така, во тој процес на редефинирање на стварноста почнаа да се појавуваат различни форми кои воспоставија некоја нова дигитална комуникација со конзументот.
Во оваа смисла, позитивната страна на оваа криза во театарот на глобално ниво, според мене беше тоа театрите ги отворија своите архиви и почнаа бесплатно да прикажуваат разни култни претстави кои никогаш претходно не сме имал можност да ги видиме. Потоа се организираа најразлични дебати коишто се обидуваат да дефинираат во која насока ќе оди театарот после пандемијата, што ќе биде попандемискиот театар, кои теми ќе ги обработува. Беше фасцинантно да се следат сите тие светески театарски заложби кои ја истакнаа одговорноста на поединецот кон сопствената професија. Па на истиот начин, кога започна пандемијата, јас чувствував одговорност како професионалец и чувствував потреба и предизвик да направам нешто на ниво на експеримент и по претставата „Илузии“, реѓивме дека треба да правиме нешто што ќе ја отслика состојбата во која се најдоа нашите животи“, вели за Утрински брифинг, режисерката Нела Витошевиќ.
Таа додаде дека театрот допрва ќе се соочува со предизвикот на новата реалност и како да ја врати публиката.