Од дното до врвот: Годинава музеј за Ѓоковиќ
Терористичкиот напад се случи во квартот каде што јас живеам. Но бев преокупиран со други обврски па воопшто не знаев за сето тоа додека не ме побараа од Скопје да прашаат што се случува. Нешто слично кога пред два месеци се случи терористочки напад на London bridge.
Брегзитот е голем историски настан
Имаше еуфорично прославување, па човек кој што не е упатен во проблематиката, ќе добие впечаток дека Англија е некој голема колонија која излегува од некој вилает. Допрва следи отрезнувањето. Ќе траат преговорите за трговскиот договор и ќе се направи математиката дали целата операција се исплатеше. Е сега за Ѓоковиќ …
Се сретнав со таткото на Новак
Имав можност да се сретнам со таткото на Новак, Срѓан Ѓоковиќ на вториот ден од АО. Разговаравме буквално за сите теми од нивниот живот, од дното до врвот. Имав можност и привилегија да се фотографирам со пехарот од последниот Вимблдон.
Во преговори се со градските власти во Белград и во средината на оваа година на Кнез Михајлова би требало да се отвори музеј на Новак Ѓоковиќ, изјави за Утрински брифинг, Ненад Живановски.
Новак Ѓоковиќ ја освои осмата титула на Австралија Опен откако во големото финале го совлада Доминик Тим со 3:2 во сетови и дојде до 17. грен слем трофеј во кариерата.
– Сакам да почнам така што ќе му честитам на Тим зас тоа што го покажа во последните две недели. Во овој меч можеби немаше среќа. Беше блиску до победата, но има уште време за него. Сигурен сум дека ќе освои повеќе од еден грен слем трофеј. Респект за неговиот тим и семејството, станува збор за добри луѓе кои имаат голема почит кон мене и мојот тим. Благодарност и до мојот тим. Ова е дефинитивно мојот омилен турнир – порача Ѓоковиќ кој потоа зборуваше и за настаните кои го одбележаа почетокот на 2020 година.