? ?Андоновиќ: Неуспешен обид за атентат врз Мадуро како по холивудско сценарио – САД негираат вмешаност
Венецуелската армија застрелала и уапсила група американски платеници, кои маскирани во рибари се обиделе од Колумбија да се инфилтрираат на територијата на Венецуела. Меѓу уапсените се и двајца поранешни припадници на американските специјални сили, кои им признале на властите на Венецуела дека имале задача да го ликвидираат претседателот Николас Мадуро и дека акцијата била планирана, и тие биле ангажирани од главниот телохранител на американскиот претседател Доналд Трамп, Џон Гуидро.
Обидот за атентат се случил пред 4 дена. Група од 60 платеници тргнала од Колумбија кон Венецуела со два рибарски брода. Планот бил тие да се слезат во крајбрежниот град Ла Гваира кој се наоѓа во непосредна близина на престолнината Каракас.
Меѓутоа, поради дефект на моторот на едниот од бродовите, акцијата била стопирана, и биле забележани од крајбрежната полиција. При престрелките биле убиени голем број од американските платеници, од кои биле уапсени 13 лица меѓу кои и двајцата американски специјалци. Останатите биле платеници и дезертери од венецуелската армија, соопшти владата во Каракас.
Американскиот претседател Доналд Трамп ги негираше обвинувањата и изјави дека неговата администрација, ниту стои зад нападот ниту пак има информации кој се обидел да се инфилтрира во Венецуела.
Од друга страна, уапсените атентатори изјавија дека се ангажирани од приватната воена организација „Силверкорп“ чија главна дејност е обезбедувањето и меѓународната безбедност на американскиот претседател и секретарот за одбрана на САД.
Претседателот на Венецуела Николас Мадуро изјави дека крајната цел на овие платеници била да извршат атентат врз него и да направат хаос во Венецуела, со кој САД би го поставиле на претседателската функција прозападниот претседател на венецуелското собрание и лидер на опозицијата Хуан Гуидо.
Мадуро го обвини Гуидо дека ги изнајмил платениците за 212 милиони долари за ликвидација на актуелниот престедател на венецуела. Гуидо наводно направил договор со фирмата „Сиверкорп“ да го ликвидира Мадуро, се вели во изјавата.
Инцидентот се случува откако минатата година Гуидо со помош на Трамп и западните сојузници се самопрогласи за легетимен претседател на Венецуела. Лидерот на опозицијата се обиде да изведе преврат во јануари 2019 година, но беше спречен од венецуелската војска која му даде подршка на актуелниот претседател .
Од тогаш Гуидо, со помош на САД се обидува да ја преземе власта, но засега неуспешно.
Американскиот претседател Доналд Трамп неодамна го прогласи Мадуро за шеф на нарко картел кој сака да го преплави пазарот на САД со кокаин и му ја уцени главата со 15 милиони долари. Оваа сума најверојатно, ги привлече воените платници од целиот свет да се обидат да го киднапираат или ликвидираат актуелниот венецуелски престедател.