?? Конечноста и кршливото општество – Социјализам, слобода и секуларност
За жал постои култура на тишината, постои и апсолутна некритичка култура, која во голем дел е пример за она што се живее во нашето општество. Постои култура на молк, на подаништво, на неодговорност, на конформизам. Ние се залагаме за нешто спротивно од ова, изјави Искра Гешовска, фестивал КРИК.
![](https://slobodenpecat.tv/wp-content/uploads/2020/06/ис.png)
Оваа година фестивалот за жал ќе биде се повеќе дигитален отколку во живо. Крик во голема мера е платформа која што е замислена да се одвива во јавниот простор, но оваа година ќе се одвива вон анората. КРИК не е само за размена на знаења, туку тој служи пред се за создавањае на некакви мали поинакви критички јадра во заедницата, кои би се спротивставувале на гнилоста, на културата на тишината. Годинава е јубилејна година и беше планирано да започне денеска на 8 јуни и да трае интезивни 4 дена.
Темата е „Конечноста и кршливото општество“, бидејќи стана антиципирачка за ова што се случува. Во време на пандемија која е вон контрола, навистина решиовме да бидеме одговорни, да не експериментираме и да не е сеобираме на јавен простор, вели Гешоска.
Културата освен што е пример за отпор, таа сепак е едно тело кое се прилагодува, па следствено ги прилагодува и форматите на отпор. Јас не можам да предвидам дали овој виртуелен простор би можел да биде адекватна замена за физичката агора. Ако дојде време за нужно втурнување во физичката агора, ние ќе се втурнеме таму, вели Гешоска.
![](https://slobodenpecat.tv/wp-content/uploads/2020/06/иск3.png)
Тематските рамки околу кои ќе разговараме низ текот на оваа година ги обединивме во насловот Конечноста и кршливото општество – слобода, социјализам и секуларност – наслов кој директно произлегува од книгата која Контрапункт ќе ја издаде во текот на јули, а која беше повеќекратно прогласувана за најрелевантна книга во сверата на политичката филозофија во 2019 година. Станува збор за Овој живот – секуларна вера и духовна слобода, од еден од најзначајните филозофи на нашето време, Мартин Хеглунд.
Ќе се фокусираме на три главни, прилично деликатни области од нашето современо политичко и идеолошко опкружување. Станува збор за области кои се клучни одредници за историјата на филозофската и политичката мисла: слободата, секуларизмот и социјализмот. КРИК оваа година ќе се обиде да отвори и конфронтира различни епистемиолошки перспективи, прашања и полемики поврзани со воспоставувањето на овој (гол) живот кој постои во рамки на загрозените, изопачените, неправедните, и угнетувачките општества, кои почиваат врз новите капиталистички наративи кои ја проголтуваат и уништуваат идејата за емпатични, солидарни заедници. Каков вид на политички, социо-културен и економски поредок би бил идеален/оправдувачки за нас како битија кои се соочуваат и не можат да ја прифатат сопствената смртност? Каков начин на живот треба да живееме и што треба да направиме колективно/заеднички, за да се овозможи коренита промена во идејата за заедниците? Како можеме да ги преиспитаме и повторно да ги земеме предвид концептите за слобода и еднаквост? Какви движења можеме да поттикнеме кои ќе го конфронтираат досегашниот концепт на заедници и ќе понудат праведни општествени концепти и практики?
![](https://slobodenpecat.tv/wp-content/uploads/2020/06/иск.png)
Во време во кое државата повторно стана глобален хегемон, државата која регулира, дисциплинира и казнува, мора да се запрашаме за неуспехот за да воведеме нови сили кои ќе може да ја скршат присилната доминација на капиталистичката и политичката класа преку државата. Од друга страна, сведочејќи модели на взаемна помош, самоорганизација и хоризонтална диспрезија, гледаме како се развива контра-моќ развиена од заедниците ширум светот. Оттука, мора да се запрашаме, кои се нчаините со кои ќе можат да се одржат таквите практики преку сегашниот модел на комунизам на катастрофите.